يصيح الجرح – خالد الشليه

انا جيت المكان اللي جمعنا
واشوفه من بعد فرقاك خالي
وقفت وحارت دموعي بعيني
ولا كنه جمع غالي بغالي

انا يازين ماني عنك سالي
ولو دارت رحى سود الليالي
تفارقنا عسى ما صار خيره
رعاك الله ياعنق الغزالي

انا والله على عهدك واحبك
لو انك غبت تبقى في خيالي
بقى عندي من التذكار صوره
عليها الدمع من فرقاك سالي

انا ماعاد لي وياك حيله
ولا ينفع مع الشوق احتيالي
مقادير الزمن مقدر عليها
زماني ياغناتي ماصفالي

يصيح الجرح في قلبي ويسأل
حرام فرقانا ولا حلالي
على ذكراك انا قلبي تقطع
تقطع وانت ماتدري بحالي

عليك الشعر يرثيني ويبكي
يعزيني على وقت مضى لي

كلمات: حمود الساحلي