منحرم وصلك – بندر بن عوير

منحرم وصلك وانا قلبي ضعيف
ما اتحمل غيبتك لو ثانيه

ودمع عيني مايوقف بالنزيف
الحياه بدون شوفك فانيه

لاتشمت بي العدا خلك حليف
والمشاعر كلها لك عانيه

العجايب سبع وانته يا لطيف
من جمالك اصبحت ثمانيه

ينشغل بالي بزينك يا وليف
لو معي ربعي وكل اخوانيه

كيف تبعد عن هوى مغليك كيف
وانت حالف نذر ما تنسانيه

لو تعذبني غدى حالي كليف
لك مشرع فـ الهوى بيبانيه

انت كيف فارق عن كل كيف
صرت ملهمني على قيفانيه

يا خشيف الريم لي مالك وصيف
خايف تبطي ولا تلقانيه

واشهد انك يالمفارق حد سيف
يوم ارقت العيون الهانيه

منحرم وصلك وانا قلبي ضعيف
ما اتحمل غيبتك لو ثانيه

ودمع عيني مايوقف بالنزيف
الحياه بدون شوفك فانيه

كلمات: علي الهاملي