معنى المحبه – فلاح المسردي

اه من ذكرى الوصل بعض الليالي
كنها تبغي على الاضلاع سبه
كل ماقالو تحبه قلت غالي
والغلا ماحازه الا من محبه

من يجادل غالي في حب غالي
والله انه ماعرف معنى المحبه
احسب ان صدري على الفرقى شمالي
لين هب الشوق واضناني مهبه

واحسب اني من لهيب الوجد خالي
لين شافو علتي قبل اتنّبه
ماعسرني في الغرام اول وتالي
غير جرح ينقضه من كان طبه

ربّ حبه في المعاليق وصفا لي
كل ما ابعد رده الشوق لمربه
قيل شبه قلت كفو من جدالي
والله ان ماله شبيه ولا يشبّه

ويوم طرو لي العوض زاد انعزالي
واستخلت من الحنين وزاد حبه
داري ان ماهوب متعاض ببدالي
البدل في غير مشهى القلب غبه

كلمات: حمدان المري