كثير الناس – عبدالله الخشرمي

كثير الناس لكنك بعيني تختصر هالناس
اجاملهم وانا غايب شعور ونبض بأسبابك
تلاحق مابقى مني ترى عروق الوصل يبّاس
ولا عندي سوا غيابك اسولف له عن غيابك

اجاوب من سأل عني واقول ان حالتي لا باس
وانا والله من بعدك وتر حزني تغنى بك
تعبت الملم شتات تبعثر في يدين الياس
تعبت ارحل مع طيوف توقفني على بابك

صحيح اني بديت اذبل ولكن ماحنيت الراس
ولو حتى يطول البعد وباب الوصل ماجابك
احبك لا تقولي كيف احبك لآخر الأنفاس
اعيشك حلم واسترسل واموتك وارجع احيابك

حبيبي احطب اضلوعي وانا لك ساعدك والفاس
انا لك اقرب من الظل وخيط طرّز ثيابك

كلمات: فيصل العدواني