فاقد لي محزم – فيحان المسردي

لاحدن يشره علي في ضحى ولا عصر
لو نويت ادله لحالي وفضلت البشير
لان صدري من همومي ومن جور الدهر
صار مايملك صبر لا قليل ولا كثير

الحياه اصعب من الموت والدنيا عبر
حب منهو يبتذل في كبير ومن صغير
لاحدن يشره علي في ضحى ولا عصر
لانويت ادله لحالي وفضلت البشير

والسعاده ماتطول ولو طال العمر
والحزن مهما تمكن ترى عمره قصير
يالله اني طالبك يالمعين المقتدر
تراف بحالي ولا غيرك بحالي خبير

ادنى مايثر علي وادنى مادق الصدر
وادنى مايبكي عيون ويجعلني كسير
واتصنع ضحكة السن لو طال السهر
واتظاهر بخير لو حالي خطير

مومن بك يا الهي ومومن بالحشر
مومن بالجنه ومومن بالنار السعير
ادري ان الموت بي طال عمره لو قصر
ادري ان نهايته بين منكر مع نكير

اسالك يالله جودك ويالله بالصبر
ويالله بحظ يقفيني لحسن المصير
واسالك عفوك لي لا شالوني للقبر
اغفر الزلات يامالك الملك القدير

في حياتي شفت انا الشين وشفت ادهى وامر
ذقت طعم الطعنه اللي على الضلع القصير
ومالقيت اشر واحر من سم الغدور
خص غدر الموت لا يرحم ولا يستشير

وللفراق الام واحزان وجروح وكدر
وللوداع لموعدك شد بعيون الضرير
اه من دمع المفارق وعبرات القهر
ومن هموم تجعل الشايب يعود غرير

فاقد لي محزم فاللقى محزم ظفر
فاقد كلمة يالبيه وابشر يالامير
ليتني في قبره وليت عمري له عمر
والله ان اعطي عمري ولا ادور شوير

قد فقدت اصحاب واخوان والفرقى جمر
جمر لا يمكن يرمد ويسكن بالضمير
ماذبحني غير فرقاه يارب القدر ترحمه
وتحول بينه وبين الزمهرير

تجعله في جنة الخلد مع خير البشر
لا اله ادعوه غيرك ولا غيرك كبير

كلمات: تركي العاطفي