طب قلبي – سعد السبيعي

راع الجمال اليوسفي مدري وش انا مسوي في
لا صار عني مختفي والعين يسرقها السهر
عزي لقلب مشتحن يعايش بوسط المحن
كل يوم يشتاق ويحن وانت ولا عندك خبر

ياروح روحي ياغلاي يادنيتي ياكبر مناي
ياطب قلبي يادواي تعال ياغلى من حضر
ياسعد عيني يا اسعدي يابعد روحي يابعدي
لاشافك القلب يعدي يمك وهو حاله خطر

اغفي على صدري وانا بغفى عسى القلب يهنى
يكفي شقى يكفي عنا الكسر توه ماجبر
روفي بحالي وارحمي انا تراني ادمي
يفور من صدك دمي والقلب منك ينشطر

وان كانك بتصمل كذا مافي منك الا الردى
خلك على وضعك لذا بروح ومافيني صبر

كلمات: سعد السبيعي