زين القبايل – جراح الرشيدي

لا اقبلت زين القبايل على كل الدروب
كن خطوات القدم بالدروب تعدها
وسعو للجادل المترف الغر اللعوب
بنت ابوها الكايده فالبني من قدها

زينها من ربها ماخلق فيها عيوب
تفتخر في طيب ابوها وعزوة جدها
شعرها يكسي نحرها ليا هب الهبوب
وان بغت ترفع شعرها نحرها ردها

تذهل عقول البشر تسلب ضعاف القلوب
كل عذرا مترفه ماتوقف ضدها
عينها نور الشفق لا ابتدى وقت الغروب
ودها تشرق لكن الغروب يشدها

ابتسامتها تخطف النظر من كل صوب
فاتنه ماينعرف مزحها من جدها
خدها عن باقي اوصاف شفتها ينوب
شامة فوق الشفايف تزين خدها

وعذاب اهل الشمال وعذاب اهل الجنوب
وين مالدت وصوف الجمال تحدها
كل ماتخطي تكرر خطاها ماتتوب
عوبة محد من الناس يبيح سدها

اه يالبيه يالزين والوقت محسوب
حظ من ضمه غلاها وفاز بودّها

كلمات: محمد الرشيدي