دنيا العجب – فلاح المسردي

سود الليال صدوفها مرجهنه
وناس تطيع وناس تبحث لمخراج
ظروفنا شدت علينا الاعنه
ولازم نكابدها ولو لحقنا احراج

يالله بمحتاج يلا سد عنا
يذاكر مواقفنا بدعوه وهو حاج
بيت شعا هواجس مستكنه
يلج له بين المعاليق لجلاج

وان جت لشفي والله ان ودي انه
يخاط به جرح القصايد بديباج
ويالله برزق لو على ظهر دنه
اذخره لين اضحك به معقد حجاج

دنيا العجب فيها العرب مستجنه
يدورون لروس الابراج الادراج
والساس محد شال همه وحنا
لولاه ما طالت قصيرات الابراج

علاج بعض الناس حرب تشنه
لكن ضعيف الرابعه ماله علاج
يا ظني اللي كل يوم استظنه
دربك طويل ووعر موحش ومنعاج

مابي اكون لي بالاموال جنه
ولا ابي منزل مدخله عاج
ابي لا جا اللي من ظروفه حنا
يجي وهو محتاج ويروح ما احتاج

لا ظن فيني الكفو انا فوق ظنه
ومالا يباج بلازمه غصب ينباج
كذا يربّى الرجل من صغر سنه
هداج للضامي وللتايه سراج

ماني رسول جاب واجب وسنه
محيوج بعض احيان واحيان حواج
ومن يستفيد ولا لاحد فود منه
ضرس نخره السوس ويصب خراج

كلمات: فهد المسردي