الملهمه – بدر العزي

يا ملهمة فكر المعنّى قومي
كبدي لقيفان الغزل ورّادة
النوم ما هو لش عليش اللومي
النوم لابليس الرجيم عبادة

الشوق وهاجة يشق هدومي
ما لي على حرّ المشاعر رادة
قومي عسى حسش يفك همومي
يطفي لواهب في الحشا وقادة

يا اسعد لياليي و فرحة يومي
يا اسهل معانيّ الشعر و عناده
الجو جوي و الغيوم غيومي
و اردد اللي يعجب النشّاده

هاتي حديثش حدثي المحرومي
و انا علي بعد الحديث اسناده
دامش حواليي فانا منعومي
و لا همني وش قالوا النقّاده

من لامني قلت اسرفوا في لومي
و الا اسمعوا عذري و فيه افادة
غادة بكر ما طرقوها السومي
و لا كلّ مزيونه تسمّى غادة

هذي ملائكة السما لها تومي
و عيونها قادة جيوش و قادة
في عينها سحر و زراق سهومي
و في نحرها شعب و بلد و قيادة

يا عودها و يا مشيها الملمومي
انا دخيل ن في وجيه السادة
اعقد على فهمها بشهر الصومي
و احرم على خصرن يحل اجهاده

استغفر الله لو تبيح علومي
يمكن تكفرني شيوخ بلاده

كلمات: عادل كزمان