العيد حل – عبدالعزيز بن ناعسه

العيد حل وحل فالصدر هوجاس
وحلت مواعيد العهود الوثيقه
عيد المحبه والمشاعر والاحساس
عيد الاماني والقلوب الرقيقه

بين الرجاء والوصل والبعد والياس
في محجري دمعه وفالصدر ضيقه
ماجيت مثل الناس طرقي وعساس
جيت ودخلت القلب باسهل طريقه

اهم شي انتي وغيرك من الناس
ماني بقايل جعلهم في حريقه
محتاج روح وسواليف وانفاس
مشتاق بالثانيه والدقيقه

الشوق فيني ماله حدود وقياس
هذي الحقيقه كان تبغي الحقيقه
مثل مايزهى جيدك بعقد الالماس
العيد يزهى في حضور الانيقه

كلمة احبك خلها بين الاقواس
لايخدعك لمع السراب وبريقه
هذي بحور الشوق لاهب نسناس
خلت مراكبنا القديمه غريقه

خلي سوالفنا من الى الراس
ياراس مالي بين كل الخليقه
عيد المحبه والمشاعر والاحساس
عيد جمع شمل العشيق وعشيقه

كلمات: علي بن مغيب