كيف ابدفى – بدر العزي – بدر العزي

كيف ابدفى وبرد الشوق يذبحني وله
ليه تجفى يا اخر حب قلبي واوله
وانت اللي ملك روحي غرامه
وحبه حط في قلبي علامه

وصابتني من الفرقى سهامه
وانادي له من الاوجاع تكفى كيف بدفى
اشتاق لك وانت تدري حبك بقلبي كبير
لو تدري الشوق في قلب المولع يقلته

انت الاماني والهوى والحب الاول والاخير
والشوق في قلبي يحن من اخره لين اوله
طال بعدك .. يمر اليوم بغيابك سنه
ليه صدك وعيني في وصالك مدمنه

اشوفك طيف في كل الاماكن
وشوقي في حنايا القلب ماكن
وجودك نور في عمري ولكن
من غيابك حياتي منك تطفى كيف بدفى

انا الحبيب اللي على درب المحبه مستخير
و انت الحبيب اللي على درب المحبه حصله
اقول للعالم بخير و حالتي ما هي بخير
باب الوصل قفل بعد ما كان قلبي يدهله

انت عمري .. وروحي فيك تحيا ياهوى
ليت تدري .. وجودك يابعد حالي دوا
يا شوق الخاطر وغاية طموحه
يا بلسم خافقي ياروح روحه

وقلبن لو يعاني من جروحه
اذا شافك من الاعواق يشفا كيف ابدفى
اشتاق لك وانت تدري حبك بقلبي كبير
لو تدري الشوق في قلب المولع يقتله

انا الحبيب اللي على درب المحبّه مستخير
و انت الحبيب اللي على درب المحبّه حصّله
اقول للعالم بخير و حالتي ما هي بخير
باب الوصل قفل بعد ما كان قلبي يدهله

كلمات: صالح بن نعير

يابوي انا جيت لك – عبدالله العنزي

يابوي انا جيت لك والنفس ندمانه
وفالقلب نار تشب وتشعل اشعالي
ولدك تاه الطريق وكثرت احزانه
شرب المراره وغيره يشرب الحالي

رح خل ينفعك من طاوعت شيطانه
صاحبك راعي الوفاء اللي ماله امثالي
صديقك اللي يعدك ثالث اخوانه
وشلون خلاك في وقت الضيق للصالي

يابوي عطفك رميت الروح باحضانه
نثرت دمعة سجين شاف الاهوالي
لاعاد تذكر لي الماضي وخلانه
راحوا وشفني وحيد جالس لحالي

غرتك دنياك والايام خوانه
رضيت بالصحبة الحسنه بالانذالي
واغضبت ابوك وفضحته بين جيرانه
نزلت راسه وهو في مامضى عالي

انت السبب فالخطاء وانا ادفع اثمانه
اهملتني وانشغلت بجمع الاموالي
خليتني للهوى وابليس واعوانه
يلعب الجهل من جال اليا جالي

انا اجمع المال واتعب حيل من شانك
قرش على قرش وريال على ريالي
واشري لك اللي تبي من وسط دكانه
وتختار سيارتك لو سعرها غالي

يابوي انا جيت والعينين غرقانه
تايب عن الذنب وارجي رحمة الوالي
السجن قطع فؤادي صمت جدرانه
ظلمه زواياه عنها موتي اشوا لي

تعال ياروح ابوك ونبض وجدانه
لاعاد تشكي وتبكي يابعد حالي
الذنب ذنبي وصار وشفت برهانه
قررت اخلي الطمع واهتم بعيالي

استغفر الواحد المعبود سبحانه
من رفقة السوء احذر كل الاجيالي
وانا اوصي الاب من فضله واحسانه
لاتشغله عن عياله كثر الاعمال

موتن قهر – سعد محسن

موتن قهر لاحضرنا وابعدن
جتكم الفارقه بطول وجمال

اسكتن وابعدن لاتلعبن
ماتصيرن مثل حتى الغزال

تاخذ الصف الاول واقعدن
قوتن كنها رعد الشمال

بنت شيخ عزومه ماردن
ذايع الصيت وفعله للرجال

امها بنت حر يشقعن
من مخالبه ساكين الحلال

ربعت في خفوقي وردن
كل غصن تمايل باعتدال

هاض فكري علي وحضرن
بيوت شعري بمدحي للغزال

موتن قهر .. موتن قهر
اسكتن .. اسكتن .. اسكتن

موتن قهر لاحضرنا وابعدن
جتكم الفارقه بطول وجمال

كلمات: اصدق جرح

ياسمو المجد هيا – فهد المسيعيد

ياسمو المجد هيا اصعد لنجم الثريا
واترك العالم هنيا يابو باسم في ثراها

وافتتح حفل المراسم بأجمل ايام المواسم
باسمك وبسم ام باسم واتحدى واتباهى

في سما الوصف اتفرد بالجواهر والزمرد
واخزم خشوم المقرد بالرسن وألعن ثواها

الحسن والزين بيِّن في وعد لو ماتزين
انهدم بيت المزين يقصرن عن مستواها

لو بغوها ماتهيا لويحطون العليا
والأسطورة والمحيا باسم أبوها ماعطاها

والمزايا والوصايف والنوادر والطرايف
صارن بعاشة ولايف جل شان اللي عطاها

لا دخلت للحفل عاشة تشتغل مليون شاشة
واللي قليل معاشه يبطي وهو ماخذاها

ياوعد واللي يماري يحجز بقسم الطواري
للسرير وسبع أباري واخذي الوصفة معاها

ياوعد كلي حلالك والقصايد كلها لك
لو تبين عيون خالك حالفن لعطيك ياها

تكرم لعينك مدينة انتي وعاشة ومينه
لو سواحلها ثمينة لاجلكن يرخص غلاها

أمٌكن كالشمس وأسمى وأطهر من الغيم والماء
بنت أبوي حمود سلمى جاذبتكن في حلاها

زيننا زينٍ وزاري وغيرنا زينة وزاري
وأنتم أبخص بالمواري والطيور ومستواها

والحسن والزين حنّا انخلق فينا ومنّا
وأنشد أهل الوصف عنا من زمن عيسى وطٰه

بالعيون والجدايل وبالقصايد والمثايل
ندبل كبود غلايل ونتعدى من وراها

كلمات: عبدالكريم المنيجل

ارجع ورى – فهد بن فصلا

هدو هدو هدو
ارجع ورى ياللي تبي طلعت كرى
وان جات ردات البرى
الاوله دايم لنا

بالغصب الاول بالغصب
نشطب على الثاني شطب
زيدو على النار الحطب
والاوله دايم لنا

هدو هدو هدو دو
وليا تبينا اركدو
وان جات شمر اهجدو
هدو هدو هدو هدو

الاوله دايم لنا من سناعيس السطر
والاسلم تدوس الخطر
سنجاره الموت الحمر
الاوله دايم لنا

يوم الدول حرب ضروس
شمر على الامجاد روس
وليا غدو يوم عبوس
الاوله دايم لنا

هدو هدو هدو
ياشمر العز اطنخو
وليا طنختو انتخو
شمر ماهي محزم رخو الاوله دايم لنا

شمر كعام اللي طغى
لحلوقنا كانه بغى
يرحع هديره للرغى
الاوله دايم لنا

شمر مزبنة الدخيل
وليا اعتزت ام الجديل
نبطش ونهرى بالصقيل
والاوله دايم لنا

ما نذبح الا شيوخكم
وان رددو بعض العلوم
حنا مجزلة السلوم
والاوله دايم لنا

منا سناعيس السطر
والاسلم تدوس الخطر
سنجاره الموت الحمر
الاوله دايم لنا

من دار حاتم جدنا
مافي حي ندنا
والموت لامن حدنا
الاوله دايم لنا

الروس تقدح من طنا
والعمر تاليه الفنا
يالعنبو من لا انثنا
والاوله دايم لنا

بالغصب الاول بالغصب
نشطب على الثاني شطب
زيدو على النار حطب
والاوله دايم لنا

كم واحدن قام ونوى
يبي المراكز ماقوى
والذيب لا منه عوى
الاوله دايم لنا

جينا ننافس بالبكار
كبار وننافس كبار
وان ولعو فالميد نار
الاوله دايم لنا

هدو هدو هدو
ارجع ورى ارجع ورى
ياللي تبي طلعت كرى
وان جات ردات البرى
الاوله دايم لنا

كلمات: ممدوح الشمري

اطرب مسامعنا وغن – ماجد الرسلاني

ربعي هل السيف الصقيل ربعي مزبنت الدخيل
ويلان لاشب الفتيل تطأ على عيالها
صقور بالجو اعتلت واسباع لامن انزلت
بالمجد دايم جملت شيابها وعيالها

يا هاجسي هات الجزيل وابدا على اللحن الجميل
شاعرك له وزن ثقيل والخيل من خيالها
يا ماجد اسجع باللحن اطربنا مسامعنا وغن
الليله فرحتها علن ويلان عز رجالها

بالصوت يا صوت عنزه جتك الجزيله من جزه
ابيات شعر معنزه شاعر تركي قالها
في حله رجال الوفا اهل النقا واهل الصفا
يا مرحبا بالي لفا بقلوبنا منزالها

يا مرحبا بالي حضر بعداد ماهل المطر
في حله رجال الظفر الي ينومس حالها
ويلان ياقوم الكرم اهل المعالي والشيم
قبيلةً مثل العلم من فوق روس جبالها

ياويل منهو ضدنا ياسعد منهو حدنا
من فيه منهو ندنا يامن جهلت افعالنا
من ماضي العهد القديم نطا على ابليس الرجيم
واللي جهل فينا غشيم افعال قبل اقوالها

تاريخنا يشهد لنا يوم النحاسي فوقنا
ذي قار يا جاهل بنا تحكي لكم ابطالها
من الجنوب الي الشمال افعالنا مثل الجبال
ويلان ياعز الخصال الي يظلك جالها

واليوم في ظل آل سعود حكام للدوله اسود
حنا لهم بالعوج نود ياويل منهو جالها
حنا جنود المملكه اسود وسط المعركه
ماهي سوالف فبركه نموت دون رمالها
جنا الجبال الراسيه حنا الاسود الضاريه
هاماتنا به عاليه وحدودنا من طالها

كلمات: تركي العنزي

ياليل ذكره – بدر العزي

ذكره ياليل فيني وان نساني
قل له انه لو نساني مانسيته

وان نشد عن حالتي قله تراني
طيبن لين اتعدا خط بيته

ذكرياته فالقصيد وفالاغاني
والطريق اللي على شانه سريته

وانشده ياليل عن عهد عطاني
وقله ان العهد رحت وماوفيته

يبتعد ويحب بعدي شخص ثاني
بعد مابعت السعاده واشتريته

ماهقيت ان فيه احد ياخذ مكاني
واثر قلبه ماكفاه اللي عطيته

يارسول المحبه
جرح قلبي وطبه
وينه و وين خله
والمسافه قريبه

ناقش الكف حنّا
هو عذاب المعنا
وينه و وين خله
والمسافه قريبه

واهني من يضمه
ضمة الطفل لامه
وينه و وين خله
والمسافه قريبه

يالغزال المذيّر
عاد سنك صغيّر
وينه و وين خله
والمسافه قريبه

كحل عينك طبيعه
ناعساتٍ وسيعه
وينه و وين خله
والمسافه قريبه

قم وفل الجديله
عاد فالعمر ليله
وينه و وين خله
والمسافه قريبه

والعب ب جسمك اللي
تل شاعرك تلّي
وينه و وين خله
والمسافه قريبه

والله انك مبدّا
ياهوى الروح جدا
وينه و وين خله
والمسافه قريبه

والله اني لا صونك
وارد الموت دونك
وينه و وين خله
والمسافه قريبه

عاذلي ماشحنّي
لو عذلك وعذلني
وينه و وين خله
والمسافه قريبه

غير عجل علينا
كان ودك تجينا
وينه و وين خله
والمسافه قريبه

كلمات: خالد ال سليم

وين انت عني – بدر العزي

ابطيت ما جاني خبر
والشوق في صدري كبر

ما عاد في قلبي صبر
وين انت عني ي الحبيب

اسهر الى قبل الشروق
و اغفى على طيفك وفوق

قلبي على وصلك شفوق
حالي من الفرقا صويب

يسقى علينا قبل عام
من بيننا حب وغرام

متبادلين الاهتمام
للعين في شوفك نصيب

ريم الفلا منك يغار
خذيت شكله بختصار

العنق والخصر الضمار
فتنه ولك عقلٍ لبيب

اعيونك الحور الوساع
لاشافها قلب الشجاع

ايروح منها في ضياع
ما عاد ينفعه الطبيب

اطلب من المولا عسا
اواجهك صبح و مسا

حتى لو ان قلبك قسا
ياحظ من هو لك قريب

شوقي مدهور حالتي
والخد عاف وسادتي

والنفس تدرا هامتي
انا من الفرقا غريب

اهواك وهواء طيبتك
تعال عوض غيبتك

وحفظ بقايا هيبتك
فيك الامل ماهو تخيب

ماهمنا حكي العرب
ولاشكوك اهل الطرب

وامن الردى مانقترب
حب النقا مافيه عيب

العمر يمضي والسنين
ماترحم القلب الحزين

والله على الفرقا يعين
بصبر عسى قلبي يطيب

كلمات: هادي بن هدفه

المشكلة فيني – بدر العزي

أدروب الاحباب مابيها
وين المحبه وانا ويني

كنت احسب المشكله فيها
وأثاري المشكله فيني

لا تبت عنها بااخليها
اعيونك السود تبليني

تعطيني الموت واعطيها
لا سلهمت باقي سنيني

الله من الشر يكفيها
ومن شرّك الله يكفيني

روحي تبي من يداريها
تعال قربك ينسيني

والعذر حاجه لا تطريها
و أتحطها بينك وبيني

عد المسافات وأطويها
من قبل لا الشوق يطويني

اشفق لشوفتك واشريها
مع انك مرات تجفيني

عن زلتك عيني اعميها
أخاف لا تطيح من عيني

عواذلي مدري اشفيها
تفرح لشافتك ما تجيني

ياجعل عيناك تبكيها
وياجعل عينك ما تبكيني

أدروب الاحباب مابيها
وين المحبه وانا ويني

كنت احسب المشكله فيها
وأثاري المشكله فيني

كلمات: محسن دقله

ياعين لاتهلين الدموع – محسن ال مطارد

ياعين لا لا تهلين الدموع
ضاع الامل وإنطفت كل الشموع

إلا من الله معين المبتلي
مفرج الهم من بين الضلوع

ياعود موز على متن الهوى
تلعب به الريح لا منه استوى

عذبت قلبي وصدري واضلعي
لي هبت النود والغصن التوى

ياعين لا لا وتكفينا الجراح
من خادر الطرف قلبي ما استراح

تعبان قلبي وجرحي مابري
من يوم ياعين حبيته وراح

لعيونه اسهر وعيني ماتنام
واسري بفكري معا طيف الغرام

أسمر وقدني من المسمر وني
حرام ذا الهجر يالغالي حرام

كلمات: فهيد ال مطارد